MOHABBAT

MOHABBAT! jis ke bagher app ki zindagi adhori hay.jis ke bagher her rishta be mayeni hay.MOHABBAT'jis ke bagher kainatka her rung be rung hay.jis ke bagher her ehsaas khali burtan ki terha.MOHABBAT.jis ke bagher insaan bemool.MOHABBAT. jo anmool bana deti hay her rishte her ehsaas ko.her shey her rung ko.
issi MOHABBAT .ke naam ye khoobsorat nazam.



chalo aik nazam likhte hain

kisi ke naam kerte hain

mager ye soochna hay ab ke ismein ziker kis ka ho?

ke ismein baat kiski ho?

ke ismein zaat kiski ho?

or ye bhi farz kerte hain ke jis pe nazan likhte hain hamen

usse mohabbat hay?

hamare sare jazbon ko bas ussi ki zarorat hay!

chalo aik kaam kerte hain

hum jo nazam likhte hain tumhare naam kerte hain

tumhi unwaan ho iska

tumhara hi zikir hay ismein

tumhari hi baat hay ismein

tumhari hi zaat hay ismein

to phir ye farz bhi hoga.

humen tum se mohabbat hay

hamare sare jazboon ko

tumhari hi zarorat hay

chalo aik nazam likhte hain

tumhare naam kerte hain..........