Lahuu na ho to kalaam tarajumaan naheen hotaa
hamaare daur men aansu zubaan naheen hotaa
jahaan rahegaa waheen raushani lutayega
kisi charaag kaa apanaa makaan naheen hotaa
ye kis maqaam pe laii hai merii tanahaai
ke mujh se aaj koi badgumaan naheen hotaa
main us ko bhuul gayaa hoon ye kaun maanegaa
kisi charaag ke bas men dhuaan naheen hotaa
'Wasim' sadiyon kii aankhon se dekhiye mujh ko
vo lafz hoon jo kabhii daastaan nahhen hotaa`
Subscribe to:
Post Comments (Atom)
No comments:
Post a Comment